Mara Evangelical Church in America (MECA) liata chakaona hnei awpata hruapa Revd. NC Vabeilua, ECM Pastor cha Chhiepa (June) 12, 2015  noh ta Kolkata-Doha (Qatar) zy siepahliepa ta Friday (June 12, 2015) noh zala daw 3:40 pm ta atlapata Washington D.C. , USA a tlo haw.  Rev. NC. Vabeilua cha MEC Maryland KNP President Pino Aye Mai (Hana nô) nata KNP member thokha, Pupa Beichhua, St. Pawsa, Hawti Tleino (Cherry) nata Biatuhpa Rev. Cho U zyta Washington Dulles International (IAD) Airport liata a rohnah kawpa ta ama dy.

June thla chhana tai MEC Maryland liata chakaona hnei tua awta, cha khai tawta MEC North Carolina, MEC Georgia, MEC Indiana nata MEC Colorado zy liata chakaona a hnei pazao lai lyma aw.

Ko khata ei kha tao tyhpa Mara Evangelical Church in America (MECA) Pakhypi cha September 4-7, 2015 nohta Denver Khipi, Colorado liata taopa cha awta, cha Pakhypi a hlao khai tawta Maryland liata hata kahkha y via awta Abeipa ta a ry a ta khiala September 14, 2015 noh ta a pahrana su, India la a palie aw.

Rev. NC. Vabeilua chakaona ahnei chhôta USA liata a pahrapa Marasaw zy Thlahpa la byhna ama to thei nawpata nama thlachhana liata a vaw thei chyu bei mu vy.

Rev. NC. Vabeilua dy awpa ta KNP President Pino Aye Mai nata a viasa zy cha IAD airport liata ama tlo haw.

Airport chhola ama ngia haw

Rev. Nc. Vabeilua tlopa ngiatia leita a ha thlapa KNP President Pino Hana no, Pino Biebeisa no, Tleino (Cherry) nata Pino Erili no

Rev. NC. Vabeilua tlopa ngiamo taleipa ta a ha ngathlapa Pupa Beichhau, Pino Biekhai no nata Pino Singo no

Flight attendant zy ama kaw pua haw

Rev. NC. Vabeilua a kaw pua nganopa

Rev. NC. Vabeilua, KNP President Pino Aye Mai (Hana no) nata a viasa zy