Ei (5) na MECA pakhypi ryureina ta “MEC pastor zy, MECA local church zy liata maisa athlaina (pulpit exchange) hnei ei sy” tapata bie a vaw pathlupa hawta, MEC North Carolina biatuhpa Rev. Mara Hrato cha Km.  April 27-28, 2019 noh ta MEC Kentucky local church liata chakaona ahnei.

Rev. Mara Hrato ta achakaona nata azaopata he  hawta a rei, “MEC Kentucky Local Awnanopa sahlaozy Thlapa lâ liata a ma phahnai ziezy vaw hmo na ta, ei palô thata eina patlâ ei. Keima dyutlai leipa chô liata ama veisei zie nata a mâpha zie he arônah ta nata, keima vâta châ leipata ABeipa Zisu vâta achâ tapa ei pahnopasia hmeisei.”

He hawta rei pazao ta, “Keima chakaona ei hneithei nawpata sievawna liata nâbaotuhpa Km. Kyawkhai chô liata nata Mawtaw na patôpatiapâ MEC NC local nôpawzy chô liata ei palô chhôchaipa tawta alyna bie ei hla ei.