MEC Assembly (44)na bie pathluna zie hawhta Rev. Sa E Hmo, Executive Secretary, Gospel & Culture Department nata Rev. Mai Ki, Secretary, Service & Development Department cha 35th German Kirchentag he Stuttgart liata a hlao awpa nata May 20- June 11 chhoh Germany nata Denmark tly awpa ta May 21, 2015 nohta Yangon International Airport tawta Germany la ama sie.

May 24 noh he Germany liata, May 31 noh he Denmark liata nata June 7 nohta Germany liata Khazohpa noh cha-opa ta  Awnanopa rai hria chakaona  nata a zaopa ta a kaona hnei lyma awpa acha. A ei-pata eima rah nata Awnanopa cha ta Achuna (Education), Niedo Thlalohna (Food Security) nata (Raihria theiviana) Capacity Building zy liata a kaona hnei thei nawpa ta hria pazi awpa he ama khitly chhana acha. Ama khitlyna liata Khazohpa tawta hlaotlohna byhna ama to thei nawpta thlachhana liata a thei chyu su vy.

*A cho liata palasapa thati he MEC Yahoo group liata Rev. Maiki ropa tawta nata nothlahpa he Rev. Sa E Hmo facebook tawta la pachhuapa acha.