America liata chakaona rai hria awpata Yangon, Myanmar tawta a vypa Rev. Dr. Paul Khochai cha Garden City, KC liata a pahrapa Burmese awnanopa zy nata ahmana hnei khai tawta Baltimore khipi, Maryland State cha March 17, 2015 noh ta atlapata a tlo.
KNP President Pino Hana no, Mission Baord member Pupa Kohi nata chhokha, KTP Vice President St. Pabie nata Awnanopa member thokha zyta BWI Airport liata ama hlady (Ama dy).
March 18, 2015 noh (6:00 pm-10:00 pm) Mc. Maung Khaing O liata a hmana zakhana (ei khana) hneipa chata, March 19, 20, 22 noh za daw 6:00 pm tawta daw 09:00 pm tai MEC Pakhyna O liata Khazohpa bie achuna ahmana hnei khai tawta March 23, 2015 noh ta Philadelphia, PA la chakaona rai pazao awpata a sie haw.
March 19 za bie apakyhna liata a reipa bie thokha zy:
1. Moleina a thaona: Ada hmo paraona vata ano Ada nata achi pathla zydua moleipa eima vaw cha khai haw. (Rawma 5:12). Moleina hmo eima taopa vata moleipa châleipa pita, moleipa eima châpa vata moleina hmo eima taopa acha.
Moleipa chi 2 a y. Molei chhiepa nata Molei phapa achâ. Sahma adopa, chano-chapaw apheipa, buana a taotuhpa etc… zy he molei chhiepa ataopa châ eita, Zisu Krista â ngiapa tlohleipa ta ano anaipa, a paruleipa, a hai leipa, a phei leipa, sahma a do leipa etc…zy he moleina phapa ataopa ama châ. He hawpa chyhsa he Mara rah liata thata ama hlu.
2. Ryhpa: Khazohpa ta Mawsi hnota apiepa ryhpa sa 10 cha Khazohpa nata chyhsa likaw ta zi awpa nata chyhsa nata chyhsa likaw liata zi awpa tapata sa 2 ta pachhai theipa acha. (Puasaina 20: 3-17). Tla (Chah) 3-7 tai he Khazohpa nata chyhsa likaw zi awpa chata, Tla (Chah) 12-17 tai he chyhsa nata chyhsa likaw ta zi awpa acha.
Chahrasala Mawsie biehraw piepa he a zi theipa y tla mapi. Eima zi theilei awpa Khazohpa a pahno thlahana chota mia a piepa acha. Chakhia khapa vata ma mia a pie? Khazohpa ryhpa he a hyhma ta zi thei mapi tapa a pahno nawpata mia a piepa tlao acha.
Tanoh Marawsaw hlupi Zisu â ngiapa leipa ta ryhpa zina he Zisu ngiapana hawta pachâta ryhpa a zi ngapa, zi thei achhua ngapa hlupi eima y. Ngiachhia a chhi ngaita.
3. Zawngiana (Grace): Chavata chyhsa zydua cha Ada vata moleipa châ khai haw pita Khazohpa nata eima chhai haw. Khazohpa ta Ano nata a hnia thei nawpa ta Mawsi hnota ryhpa pieta, chahrasala cha ryhpa cha a hy hmata a zi paki theipa y vei ei. Ryhpa ta mia a pahnosapa cha “keimo cha ryhpa eima zi theileipa vata ryhpa a zyhpaki theipa châ mapi. Moleipa eima cha” tapa a pahno nawpa deita acha. Kaonanopa ta reipa cha mawsala zi awpa mia a piepa chaleipata ryhpa achapia awpa ta mia piepa achâ eima ta thei.
Chavata Khazohpa ta a saw chapaw Zisu Krista mia a pie. Keimo ta pie awpata eima hiapa châ leipata Ano Khazohpa ta eima leidia awpa a pasai leipa vata a saipa ta mia a piepa acha. Cha cha Zawngiana (Grace) acha.
Abeipa Zisu cha chyhsa zydua moleina phaopa ta a hrona a pie haw. Keimo cha eima moleina vata thi khao lei awpa pita, Zisu Krista eima ngiapa leina vata a thi awpa tlao eima vaw cha haw.
Biehrai ta “Ngiapana vata ngiachhina ta pachhapa cha tlô ei chita; cha chhao cha namo tawta a puapa cha leipata, Khazhpa hmosai piepa acha. (Ephesi 2:8).
Abeipa Zisu pachhana cha keimo hmo taona vata eima to awpa châ leipata Khazohpa hmosai piepa acha. Keimo taopa cha leipata Khazohpa taopa acha.
Chavata daihti a y chho ta Abeipa Zisu Krista cha na Beipa nata Pachhatuhpa cha ta apyla a vaw ngiapa ha ma y.
Rev. Dr. Paul Kheichai Khazohpa bie pachuna a hnei nga nopa
“Zisu eima hnota a y thlaha khia tala ato zydua a ki khai” tapa bie achâh khei nga nopa
Reithaina hla ta Khazohpa a palyupali ngapa Zawpi
Zawpi hryta thokha Khazohpa hnota ahlana ama hnei
March 22, 2015 (Paha noh) noh ta Thatihpha bie a reipa he liata nathlie theipa acha.
0 Comments