Ei (5) na MECA pakhypi ryureina ta “MEC pastor zy, MECA local churches liata maisa athlaina (pulpit exchange) hnei ei sy” tapata bie a vaw pathlupa hawta, MEC Maryland biatuhpa Rev. Chou Hlychho cha April 6-7, 2019 noh ta MEC Indiana liata chakaona ahnei. Ary liata palâsapa he a chakaona tlâhpipa acha.

April 6, 2019 (Pachynoh) za Biehrai achuna (Bible Study) hneipa châta, cha liata ama chupa cha: 1) awnanopa, 2) Awnanopa raihria, 3) Awnanopa chhithana zy acha.

April 7, 2019 (Pahanoh) nohchhô a pakhyna liata thatihpha bie “Azaona (relationship)” tapa Zawhana 15:5 hmapata reina a hnei. ABeipa Tlakhai ahlyna chhao hneipâpa acha.

April 7, 2019 za bie achuna hnei pazao heipa châta, cha liata a reipa cha, “Ama thlahpa liata sipasapazy ama nohlao na, vârâh khinarah ama eih achâpa vâta” (Mathai 5:3) tapa bie, Kôrasah chhôkha Khazohpa ama vâna, thlahpa liata ama dahphina thatih ta reipasiana hneita, chakhai tawta ngiapâtuhpa zy eima chariahpa tawta a vaina tapa bietana reina chhao a hnei.

Ahmana he zala nata za ta taopa acha vata ahmana daihti a pha hlata MEC Indiana Hyuuhpa chhaota viasa zy nata a kaona, Church Council chairman Mc. Aung Shwe nata atyhna, chieleipazy vaina, Birthday alypa zy hnota alyna kheina zy hnei khei eita, April 8 noh, daw 11:45 am ta a yna Maryland State lâ a palie haw.