MEC Maryland biatuhpa nata Mara Evangelical Church in America Church Council Secretary Rev. Chou Hlychho cha church council hmalapa Maisa athlaina (Pulpit exchange) hnei awpa nata Ei (7) na MECA Pakhypi a patlô awpa MEC Iowa awnanopa zy nata atyhna hnei awpata February 21, 2020 noh ta Charlotte, NC chapia pata sieta, chakaona zy, awnanopa nopaw zy nata atyhna a hnei khai tawta February 24, 2020 noh ta Chicago chapia pata MEC Maryland lâ â lie.

MEC Iowa liata a châh chhôta a hriapa zy cha:

  1. Awnanopa sahlao zy o tota thlachhana chakaona a hnei.
  2. Ei (7)na Mara Evangelical Church in America Pakhypi patlô nawpa su, MEC IA awnanopa nopaw zy nata chareina hnei eita, a su liata thlachha chakaona ama hnei.
  3. Pahanoh (February 23) noh apakhyna liata Thatihpha bie reina nata Abeipa Tlâkhai chakaona a hnei.
  4. September hata sakhana (September first week), 2020 liata patlô awpa Pakhypi chhôta khichhai a tyu aduana nata azao pata MEC IA awnanopa nopaw zy nata atyhna a hnei.

Abeipa ta Rev. Chou Hlychho chakaona he hlaotlôna byhna pie mawh sy tapata MECA Media team ta khokheina eima hlâ.