Mara Evangelical Church in America, church council liata secretary a chakao ngâhaipa nata MEC Maryland biatuhpa Rev. Chou Hlychho cha awnanopapa nata church council deichhyna vâta Abeipa ta Liberty University liata Doctor of Ministry (Evangelism and Church Planting) achu awpata lâpi vaw pahy pa ta, admission a vaw hmo. 2021 tawhna khata a vaw chu pathao ta, July 7, 2023 noh ta hlaotlona byhna to pata achuna cha a patlô haw. August 1, 2023 noh khata Doctor of Ministry cha officially ta piepa châta, August 30, 2023 noh ta certificate hlâpa achâ.

Ei (9) MECA Pakhypi patlô nawpa noh 2 abyupa liata he hawhta certificate hlâpa achâpa he MECA awnanopa châta nata Khazohpa khinarâh châta Abeipa ta a piepa Pakhypi byhna a châ talei theipa châ vei. Abeipa moh reithai pata y mawh sy.

May 1, 2023 noh liana khata church council finance secretary nata MEC Tennessee biatuhpa achâpa Rev. Caleb chhao Master of Theology patlô thei hrapa vâta church council ta ama pa 2 ta aly kheina ryuchâ pie awpata parysa ta, cha piena program Ei (9) Na MECA Pakhypi liata hmâ awpata pachhuapanohpa achâ.

Congratulations to Rev. Dr. Chou Hlychho!