CCA (Christian Conference of Asia) tahmâ kô (58) utheipa a vaw châ haw. Ei (14) na Conference he Indonesia khihpipa, Jakarta liata 20-26 May, 2015 ta hneipa a châ. Ti laipi kiapâh Macure Hotel liata tlôpa a châ. Member Awnanopa nata kaolâhpa awnanopazy tawhta mo (437), tlôpa châ ta, râh (28) tawhta eima châ. Myanmar tawh delegates mo (15) eima tlô. Jakarta he maluh (9.9 million) pahrâ ei ta kô (488) a tloh hawpa a châ. HKBP Awnanopa ta khichhai ama patlôpa a châ.

Biepipa ta, “Abeipa O liata hmaohkha ta charei lâhna” a châ. General Secretary hmiatuapa cha Rev. Dr. Kyaw Than (kô 91) châ ta a vaw tlô thei hra. General secretary cha Rev. Henriette Hutabarat Lebang (chanô) ta chakao ta a pahnie ngaitapa a châ. Steward mo (40) ta kyhchhi nata achhyna service maohphaona la eita a pha hmeiseih.

The Youth Pre-Assembly cha May 17-20 ta hnei ei ta, râh (35) tawhta amâ hlao hleikhô ta Insonesia Thyutlia Py GMKI (Student Christian Movement-
Indonesia) nata PERSETIA (Association for Christian Theologians), Kampung Sawah, Pondok Melati, Jati Rangoon area tawhta penawh chhao amâ hlao hra. Nôpy chhaota 17-20, May ta West Java liata meeting ama hnei chhili hra.

Constitution amendment taopa ta atlyna chhao hneipa a châ. Reipahmaohpazy cha;
1. Called to be united in witness and mission in a multi-religious Asia
2. Towards an authentic Asian theological undergirding for renewed ecumenical impetus
3. Inter-religious cooperation for communal harmony amidst religious intolerance and politicization of religion in Asia
4. Migration and human trafficking: Challenges to Asian churches
5. Moving beyond conflicts and building peace with justice in Asia
6. Militarization, nuclearization and arms race in Asia: Towards and ecumenical advocacy for peace building in Asia
7. Health and Healing: Imperatives for ecumenical advocacy initiatives in Asia
8. Marginalization of indigenous and other vulnerable communities in Asia
9. Upholding the dignity and rights of children in Asia
10. Overcoming discrimination and violence against women: Role of Asian Churches
11. Economic justice, eco-justice and sustainability amidst Asia’s economic development
12. Diakonia and prophetic witness in Asia: Towards a coherent ecumenical approach zy a châ.

Myanmar tawhta delegate-zy

Indonesia mo he hrozie phapa ama châ. Liahpahlô hluhpi liata a ypa ama châpa vâta culture lâchhâh ama hneirôh kaw. Hla a satheipa nata a sathaipa pho ta ama châ. Keima rohpadyna hlâta thata hmah ama sie via syulyu.
A pakhyna ama siekheinazie chhao ngiaryh â chhih kaw. Bie eima rei hlâta Haleluiah! tahpa miah âpaoh hawpa hawhta “Shalom” tahpa ama hmâpa he ei paphasa ngaita hra.

Krista liata Rev. Bietlei