Baltimore khipi, Maryland State, USA liata September 3-4, 2016 noh ta “Pitlohna lâta pangai ei suh u” (Hebrai 6:1-3) tapa Biepipa hmapata taopa Mara Evangelical Church in America (MECA) Pakhypi ei 3 na cha Khazohpa chhithaphana vata hlaotlo kawpa ta ahma khai hawpa acha.

September 2, 2016 noh he khichhai tlôpaki noh châ ta, a tlô theipa khichhai malu zydua cha mo 195 ama cha. MEC  Maryland awnanopa malu 200 pha eita, Maryland liata a pahrapa Mara awnanopa hropa lâ tawta a vaw hlaopa mo 50 rachho, zydua 450 rachho ta pakhypi ahmapa acha. Pakhypi ei 3na liata khichhai laipa a hlao theipa zy cha 1) Rev. Dr. LB Siama (GS, MEC), 2) Rev. Dr. Biezo (MEC Yangon biatuhpa zy ama cha.

September 3 noh ta Pakhypi ryureina hneipa châta, ryureina liata a hlao leipa awnanopa sahlao zydua ta Khazohpa achhyna a pakhyna ama hnei.

Pro. Pastor Auko Choza (MEC Colorado) cha Pastor pitlopa châ awpa ta Sept. 4, 2016 (Pahanoh) noh ta MEC Assembly biepiepa hawta Rev. Dr. LB Siama (GS, MEC) chhitha  pata Rev. Cho U (MEC Maryland biatuhpa) nata Rev. Dr. Biezo (MEC Yangon biatuhpa) zy chhaota luh chahnaona chôta chakaona hneita Rev. Dr. Biezo (MEC Senior Pastor, tahma Yangon MEC Biatuhpa) ta Byhna awna (Blessing piena) thlachhana a hnei.

IMG_6456

MEC Maryland tawta Khichhomacha Nei U (Pina khi: Lelairah) nata MEC Iowa tawta Km. John Beiso @ Beingiachhie (Pinakhih – Sohsaih)  zycha Awnanopa Macha lâta pakiapa châ eita Rev. Dr. LB Siama (GS, MEC)  ta chahnaona chakaona a hnei.

Macha chahnaona

Km. Nei U nata Km. Beingiachhi zy Awnanopa Macha châ awpata Rev. Dr. LB Siama (GS, MEC) ta chahnaona ahnei)

Local Church to tawta KTP, KNP, KHP zyta Solo, hlapy zyta Abeipa reithai chyu eita, thokha la ama lyna mothlie thata alo. Lelaipi liata moho haipa Harapa (Orphans) zy chata KNP chhithana ta soh thyupakhyna taopa chata ama thyupakhypa zydua $2000.00 hlei a pha. Khazohpa ta Biereituhpa zy hmapa ta thlahpa la byhna thata a vaw patlôsa. 2016 MECA Pakhypi Ei (3) nacha September 5, 2016 noh ta pasaithai leina chôta paipa acha.

2017 MECA Pakhypi Ei (4) na cha MEC North Carolina liata a paha aw. Viasa zydua Khazohpa ta a ry a ta khiala cha liata a tyh hei su vy!

MECA Pakhypi Ei (3) Na Ahmana Apakhyna cha a ry liata palâsapa youtube link liata motheipa acha. Châ a reituhpa zydua, Khazohpa ta byhna chapie mawh ei sy.

MECA Pakhypi Ei 3 na Nothlahpa a mo khopazy he liata hmi (click) ma y

  1. MECA Pakhypi ei 3 na, Noh 1na Za Apakhyna

2. MECA Pakhypi ei 3 na, Noh 2na nochho Apakhyna

3. MECA Pakhypi ei 3 na, Noh 2na Za Apakhyna