Denver Khipi, Colorado, USA liata September 4-6, 2015 noh ta “Ngâchhihna ta Chakaona” (Mt. 25:21-23) tapa Biepipa hmapa ta taopa Mara Evangelical Church in America (MECA) Pakhypi ei 2 na cha Khazohpa chhithaphana vata ahlaotlo kawpa ta pachha hawpa acha.

September 4, 2015 noh he khichhai tlôpaki noh châ ta, a tlô theipa zydua mo 95 cha eita, St. Mathew Lutheran Church, Denver, CO tawta a vaw hlao theipazy chhaota mo 100 hlei ama pha. MEC Colorado awnanopa malu 120 châ eita, zydua 220 rachho ta pakhypi ahmapa acha. Pakhypi ei 2na liata khichhai laipa a hlao theipa zy cha 1) Rev. Satu Ve-u (GS, MEC), 2) Rev. NC. Vabeilua, 3) Bishop Jim Gonia (Rocky Mountain Synod, Evangelical Lutheran Church in America), 4) Rev. Marcel Narucki (Pastor, St. Mathew Lutheran Church, Denver, CO) zy ama cha.

September 5 noh ta Pakhypi ryureina hneipa châta, cha ryureina liata pachiapa bie tlâhpipa zy cha: Mara Evangelical Church in America achhithana dah, Mara Evangelical Church in Myanmar nata a zaona, Raihria khothaina nata America rah liata a ypa MECA awnanopa nata ngiapâna a chakhia leipa awnanopa phupy zy nata azaona thatizy rei viapa acha.

Pro. Pastor Hietha (MEC Indiana) nata Pro. Pastor Mara Hrato (MEC North Carolina) zy cha Pastor pitlopa cha awpa ta Sept. 6, 2015 (Sunday) noh ta MEC Assembly biepiepa hawta Rev. Satu Ve U (GS, MEC) ta chahnaona chakaona hneita, Bishop Jim Gonia (Rocky Mountain Synod, ELCA) ta Byhna awna (Blessing piena) thlachhana a hnei. MEC North Carolina tawta Khichho Macha Sahmo nata Bietlei), MEC Colorado liata Khichho Macha Dawhlo zycha Awnanopa Macha la ta pakiapa châ eita Rev. Satu Ve-u (GS, MEC)  ta chahnaona chakaona a hnei.

Local Church to tawta KTP, KNP, KHP zyta Solo, hlapy zyta Abeipa reithai chyu eita, thokha la ama lyna mothlie thata alo. Lelaipi liata moho haipa Harapa (Orphans) zy chata KNP chhithana ta so thyupakhyna chhao taopa acha. Khazohpa ta Biereituhpa zy hmapa ta thlahpa la byhna thata a vaw patlosa. 2015 MECA Pakhypi cha September 7 noh ta pasaithai leina chota paipa acha.

2016 MECA Pakhypi cha MEC Maryland liata a paha aw. Viasa zydua Khazohpa ta a ry a ta khiala cha liata a tyh hei su vy!

Sept. 6 (Sunday) noh za ta Thatihpha bie a reipa Rev. Cho U (MEC Maryland Biatuhpa)

MEC Flag cha 2016 MECA Pakhypi ei 3 a patlo awpa MEC Maryland la ta hlapa acha. Flag achabatuhpa MEC Maryland chhituhpazy Mc. Thatlei (Left) nata Km. Rei U (Right)

MECA liata Thatihpha bie rei awpata hruapa Rev. NC. Vabeilua hnota Rev. Satu Ve U ta MECA vyupa ta lyma chyhpa a hla

Pastor Pitlohpa ta chahnao awpa Pro. Pastor Hiethan (Left) nata Pro. Pastor Mara Hrato (Right) zy Rev. Cho U (M) nata a theithlana nothlapa (Just before they were ordained)

Lelaipi liata Moho haipa Harapazy chata thyu pakhyna liata hma a lapa KNP chhituhpa thokhazy

Rev. Cho U ta Ordination pie awpa Pro. Pastor zy chakaona hnei nawpa su la a chhitha ei

Bishop Jim Gonia (Rocky Mountain Synod, ELCA) Biereina pachhopa hnei ta Rev. Cho U ta Mara reita a palie

Bishop Jim Gonia ta Pastor Pitlopa ta chahnaopa Rev. zy cha ta byhna awna thlachhana hnei.

Apakhypa Zawpi thokha

Rev. Satu Ve U ta Ordination piena chakaona a hnei

Daihti a sie kheipa Htp. Zahu (MEC Maryland)

September 6 (Sunday) noh a pakhyna liata thatihpha bie a reipa Rev. Satu Ve U (GS MEC)

Ls. Neinei (MEC, Colorado) Abeipa a reithai hai nopa

Pakhypi a vaw hlaopa Nopaw chaipa zy

Sept. 5 noh Za a pakhyna liata thatipha bie a reipa Rev. NC. Vabeilua (ECM)

Abeipa Reithaina hla a sapa KNP (MEC Colorado)

Ryureina liata Pachana nata Khokheina bie a reipa Rev. NC. Vabeilua

Rev. Satu Ve U (GS MEC) at Meeting

Ryureina Hall chho liata

America Flag nata MEC Flag chhao ta “Banner a ngia ngasapa” A beautiful Banner with America Flag and MEC Flag