America râh liata Mara Evangelical Church in America awnanopa a vaw dua tawta ko 8 a vaw siena liata Abeipa ngiachhina vâta local church 8 paduapa acha. Local church chyuta Krizypa Thyutlia Py nata Krizypa No Py department paduapa châ taraw ta châhrasala Local Church 8 a sypahmaopa Central KTP department nata Central KNP department zy deikua padua theipa châ mah vei.

Chavâta awnanopa nopaw zyta MECA KTP, MECA KNP zy central level liata akaona phapha nata chakaona liata hmasiena a y via thei nawpa pachâ pata MEC Georgia liata taopa Ei (5) MEC Pakhypi ta KTP central department nata KNP central department zy padua awpa châsala, â padua thai nawpata dah tao awpata bie vaw pathlu ta, Cha dah tao awpata amendment committee hnota rai a pahnie.

Cha rai pahniepa cha MECA Dah mopazituhpa nopaw zyta November 24, 2018 (Pachynoh) noh ta MEC Maryland liata KTP nata KNP chhithana dah cha taopa achâ. He dah ama taopa he MEC Assembly Rules bu liata KTP nata KNP achhithana dah base pata taopa châta, he ama taopa he May, 2019 liata tao awpata MECA EC meeting liata tlô khei aw eita, EC ta amo pazi hei awta, 2019 ko MEC Indiana liata tao awpa Ei (6) MECA pakhypi ta apy khai tawta hma pathao awpata hma la haipa acha.

Amendment committee members thokha nata MEC Maryland chhituhpa thokha zy

MEC Maryland pachhuapanopa nohchho pati ahlynopa