MEC Tennessee local church liata July 6-7, 2024 noh ta taopa MECA Krizyhpa Thyutlia Py Conference Ei-2 cha hlaotlo kawpata pachhâ hawpa achâ. MECA local church sa 8 tawhta KTP member khochhipa mo-134 zyta conference ama hlao thei.
Rev. Dr. Chou Hlychho cha conference a hlao theipa thyutlia zy Biehrai pachu awpata hruapa achâpa hawhta “Khazohpa bie cha eima khaina” (Hlazy 119:105) tapa biepipa hmâpata thyutlia zy hnota Biehrai pachuna (Bible Study) a hnei.
Thyutlia zy hro cha hla sana nata lâlôna liata apahâ viapa cha tyh taraw eita, châhrasala Thlahpa Pathaipa chhithana vâta Khazohpa bie achu lia chhaota thata pahâ ei ta, palo hmeiseipa ta Khazohpa bie ama na thlie. Lyuchapa Pawla ta 1 Kawrini 3:6 liata, “Kei ta loh na ta, Apawlôsâ ta ti bao ta, Khazohpa ta a palaiseihsa,” atapa hawhta chi chakaotuhpa zyta ama lopa zy, ti ama baopa zy he Khazohpa ta a palai seisa cheingei aw tapa ngiapâna hneipa acha.
MECA Krizyhpa Thyutlia Py Conference he kô 2 liata eikha tao tyhpa châ ta, Abeipa ta ary atakhiala 2026 kô liata cha MEC North Carolina local church liata taopa achâ aw. He conference liata 2024-2026 term liata achakao awpa KTP Central chhituhpa zy atlyna hneipa châ ta, ary liata palâsapa zy he atlypatlopa zy ama châ.
- President : Km. Khin Maung Hla (MEC TN)
- Vice president : St. Pheitha Fachhai (MEC MD)
- Assist. Secretary : St. Tetu (MEC GA)
- Finance Secretary : St. Mele (MEC IN)
- Treasurer : Ls. Ngofie (MEC IN)
- Music Director : St. Sahlo (MEC NC)
KTP Central Secretary cha August 31-September 1, 2024 noh ta tao awpa MECA Church Council election liata atlypa achâ aw. Chavâta KTP Central Secretary Rev. T Khai Tha cha MECA Church Council Election taihta a kaw chakao chy awpa achâ.
L to R: St. Sahlo, St. Pheitha Fachhai, Km. Khin Maung Hla, Rev. T Khai Tha, St. Tetu, St. Mele, Ls. Ngofie
0 Comments