MECA Church Council EC Meeting Tao khai haw

Mara Evangelical Church in America Church Council Executive Committee Meeting Ei 11-na cha June 1, 2024 noh ta MEC Kentucky liata taopa achâ. He EC meeting taona chhâpa cha August 31-September 1, 2024 noh ta MEC North Carolina liata tao awpa Church Council Pakhypi Ei 10-na ryureina meeting agenda pachhuapanona nata awnanopa hmasie thei nawpata rai hria awpa peimawhpa thatihzy pachiana meeting achâ.

June 2, 2024 noh ta Church Council nopaw zy nata MEC Kentucky awnanopa sahlao zycha Abeipa Zisu achhyna service hmaokha ta hmâ khei theipa achâ.

MEC Kentucky awnanopa he Church Council raihria chakaona liata a deichhy thei ngaitapa local church châta, Church Council EC Meeting ei 2 nata, constitution amendment taona meeting ei 1 a vaw host hapa achâ.

MEC Kentucky yna su cha khi pathai kawpa, a ngia kawpa, ziza hiaza phapa zy pathlina khi Bawling Green, Kentucky State liata a ypa achâ. He khi liana heta Hyutuhpa Pensioner Mc. Teihra a pabuna su achâ.