Indianapolis khipi liata taopa ei (1) na Mara Evangelical Church in America pakhypi ryureina ta khisana rah siezi (Context) nata a hmiepa MECA chhithana dah mopazi awpata parysa ta, Local Church to tawta Pastor zy nata Church Council Adviser zy hnota hria pazi awpata rai a pahnie.

Church Council biepina hawta February 14-15, 2015 noh ta MEC Local Church, Georgia liata taopa ei (2) MECA Church Council EC meeting liata dah mo pazina hnei awpata parysapa châ taraw ta daihti acha-itupa vâta nata Church Council Adviser zy ama vaw tlô thei leipa vata May 30-31, 2015 noh ta MEC Local Church, Indiana liata tao awpa ta pasiepa acha.

Chavata MECA a chhithana dah mo pazina cha Khazohpa chhitha phana vata MEC Indiana Local Church liata May 30-31 nohta tao khai hawpa acha. Cha Dah mo pazina meeting a vaw hlao theipa zy cha: Rev. Sikaw (CC Adviser, Chicago), Macha Teihra (CC Adviser, Kentucky), Rev. Cho U (MEC Maryland), Pro. Pastor Caleb (MEC Colorado), Pro. Pastor Hietha nata Htp. Macha Aung Shwe (MEC Indiana), Htp. Macha Kha U (MEC Georgia) zy ama cha. Church Council Adviser Saya Elaisa (Indiana) nata Pro. Pastor Mara Hrato (MEC North Carolina) kho kha theilei awpa rai peimawhpa ama hneipa vata a vaw hlao thei vei.

Cha liata ama taopa Constitution Draft cha MEC Assembly ta Oversea MEC achhithana dah draft tao awpata araopa zy hnota June thlachho liata Myanmar la a sie awpa Rev. Sikhaw cheingei ta tlo kheita mo pazina hnei khai hei tawta MEC Assembly la tlo khei awpata pachhua panopa acha tapa marachurch.org ta thatih a dao.

IMG_4042

Macha Teihra (Church Council Adviser, Kentucky) dah nata azaopa bie reina a hnei hainopa

IMG_4044

MECA Dah pazituhpa nopawzy L to R Rev. Cho U, Rev. Sikhaw, Pro. Pastor Hietha, Macha Teihra, Htp. Kha U, Pro. Pastor Caleb

IMG_4043

*Pahno awpa zy:

  1. MECA – Mara Evangelical Church in America
  2. CC – Church Council
  3. Dah – Constitution
  4. Ryhpa- Law