Lialaipi khipi liata sapa Mara Evangelical Church office Abeipa lâ hlâna nata pahyna cha February 24, 2019 noh ta hnei hawpa acha.

Rev. Victor Veu (Associate General Secretary) ta 2014 kô liana khata Foundation taona thlachhana vaw hneita sa pathaopa châta, kô 4 chhô vaw sa eita January, 2019 lia khata sa khaipa acha. Chavâta MEC Assembly parysapa nohthliena hawta Rev. Satu Veu (Moderator) nata Rev. Dr. Lb. Siama (General Secretary) ta February 24, 2019 noh ta Abeipa lâ hlâna ta pahyna ama hnei.

He pahyna ahmana liata MEC Assembly a hawna hawta Mara Evangelical Church in America Church Council chairman Mch. Aung Shwe nata achhôkhano Pino San San May zychhao ama hlao thei hra.

He MEC Assebly Office he Mara Evangelical Church in America (MECA) awnanopa ta Tin Sâhkha (MMK) hryupata ama sapa acha. Office ama sapa dei châleipata office pahyna akaona zapati (special dinner) chhao MECA awnanopa ta apachhuapanopa v âta ama chô liata alyna eima hnei hmeisei. Abeipa ta MECA awnanopa he byhna pie via lyma mawh sy.