America rah liata MEC achhyna o, MEC awnanopa ta a hnei hmiatua chaipa MEC North Carolina Achhya o cha March 23, 2019 (Pachynoh) noh ta Abeipa lâ hlâna nata pahyna hneipa acha.

MEC North Carolina biatuhpa Rev. Mara Hrato ta my 11:00 am liata pahyna hneita, chakhai tawta Abeipa lâ alyna bie reina apakhyna service pazaopa châta, Mc. Chobie Fachhai ta daihti sie kheita Mara Evangelical Church in America, church council advisor Rev. Sikhaw ta “Ei o cha thlachhâna o achâ aw” (Mathai 21:13) tapa biepipa hmâpata thatihpha bie reina hneita, daihti achhâ na ta MEC NC awnanopa zyta ama lyna palâsana ta ama pachhuapanopa Akaona Zapati nie hnei khai tawta paipa acha.

State hropa lâ tawta a hlaotheipa mo125 pha eita, khichhai chhao khichho chhao, zydua mo 520 ama cha. He achhyna no pahyna liata a hlao theipa pastor zy cha:

  1. Rev. Chou Hlychho (Secretary, MECA Church Council & MEC Maryland biatuhpa)
  2. Rev. Sikhaw (Advisor, MECA Church Council)
  3. Rev. Dr. Vâhieh (Myanmar)
  4. Rev. Smith (Westminster Presbyterian Church, Charlotte, NC)
  5. Rev. Auko Choza (MEC Georgia biatuhpa)
  6. Rev. Caleb (MEC Tennessee biatuhpa)
  7. Pro. pastor Khaitha (MEC Texas biatuhpa)
  8. Rev. Zawhana (Denver, CO) zy ama cha.

America rah liata MEC awnanopa ta a hnei tuachaipa achhyna o achâpa vâta ahlao theipa zydua thata aly chyu eita, thokha chhochhi lâ ama lyna mothli chhao a lo. He achhyna o he Biepipa hawta awnanopa zyta Abeipa lata thlachhana su achâ lyma thei nawpata Abeipa ta byhna pie mawh sy.