Rev. Sitlo (Moderator, MEC) cha North America liata a pahrapa Mara sawzy vai awpa nata Pro. Pastor Cho U pastor chahnao awpata August 27, 2014 nohta Chicago, Illinois â vaw ngia. August 28 noh ta Rev. Sikhaw chhaota Evangelical Lutheran Church in America (ELCA) nôpawzy nata  atyhna a hnei.

Aungust 29, 2014 nohta USA râh liata taopa MEC Pakhypi Ei 1 na a hlao awpata Indianapolis a sie. Pakhypi chhota Thatihpha bie rohnah kawpa reinazy, Pastor chahnaonazy, Probationary Pastor pa-ina zy nata Pakhypi ryureinazy a hlao khai tawta September 1, 2014 nohta Maryland liata Mara Awnanopa vai awpata a sie. Baltimore, Maryland liata a pahrapa MEC KNP zyta Moderator cha a rohnah kawpata dy eita, palyupalina pawpa chhao ama hlâ. Hata eikha (nohza zakha) châh ta, achâh chhota awnanopazy nata thatihpha a kaona a hnei lyma.

September 6, 2014 noh ta KTP, MEC Maryland sahlaozy nata Pupa Matlei thla vaina a hnei. MEC Assembly vyupa ta Moderator Rev. Sitlo, MEC KTP zydua vyupa ta KTP, Maryland Branch zyta Pupa Matlei a theithlana palasana châta Pawpipa thlâsu liata ama so.

September 7, 2014 (Paha Noh) noh ta MEC Maryland na ta hmaokha ta Khazoha a chhyna ahnei.  MEC Maryland chhaota Moderator ama hnota a ypa cha thata a ly eita, ama lyna palasa nawpata Viachao sakha nata Vao sakha thi eita pati niepahmaona ama tao.

September 9, 2014 nohta Denver khipi, Colorado liata a pahrapa Marasawzy vai awpata  Baltimore Washington International (BWI) Airport tawta Denver la a sie haw.

Pupa Matlai Thla (Gate of Heaven Cemetery) vaina Nothlahpa.

–Moderator khitlyna thatih eima vaw update hei aw.