MEC Charlotte ta MEC Maryland Atlypahlaona Hnei

Ei 2 na MECA Church Council ta a parysapa “Khazohpa ngiapana liata tha a patlô rairi thei nawpa pachâpa ta Local church sakha nata sakha atlypahlao” awpa a tapa cha hria pazaopa châ heita MEC Georgia ta MEC North Carolina a tlypahlao khai tawta Tari June 6-7, 2015 noh ta MEC North Carolina ta MEC Maryland a tlypahaona a hnei.

“Ngachhipa ta Abeipa Rai chakaona” (Mathai 25:21-22) Biepipa a phaopa ta Pro. Pastor Mara Hrato nata Awnanopa Machâ, Khichhô Machâ thokha zy chhithapa ta KTP hlapy chhaota, zydua 22, Mawtaw sa 3 ta daw 7 hlei sie khai tawta Khazohpa chhithana vata atlapata Mc. Maung Khai (Secretary, MEC Maryland) O ama tlô. Cha liata thopi dona ama hnei khai tawta ama chhô nawpa O la pangai chyupa acha.

Pachy noh (May 6, 2015 ) za a pakhyna service cha Rev. Cho U O liata hneipa châta, Km. Sa Nge ta a pakhyna service a siekhei. MEC Maryland Htp. Zahu ta a vaw tlô theipazy hnota chibai abuna alyna bie reina a hnei khai tawta Htp. Lezahmo nata Pro. Pastor Mara Hrato ta “Biepipa: Ngachhina chôta Khazohpa chakaona” (Mathai 25:21) hmapa ta Khazohpa thatihpha bie reina ama hnei.

Paha noh (May 7, 2015) Apakhyna Service cha nohchhô daw 1:00 pm ta pathaopa châta, Km. Beichaw (MEC, NC) ta a pakhyna service sie kheita Mc. Vahmo (Chairman, MEC, NC) ta Thatihpha bie reina a hnei. Apakhypa zawpi ta Khazohpa reithana hla sana, Biehrai reina, Mo pakha hlasana, Hlapy, KHP zyta Lah (Choreography Dance) nata sôh thyuna ta Khazohpa cha palyupali eita ama chhy chyu.

Local Church sa 2 atlypahlaona a pakhyna liata thatihpha bie a reituhpazy bie reipa thata phata, no vâh chhao achhi hmeisei. Thatihpha bie ama reipa liamari chaipa cha, “Ngachhipa ta Abeipa rai chakaona cha Khazohpa biepiepa hawta hrona he acha. Khazohpa biepiepazy a paka ngala ta a reipa châleipa ta a hro liata hneita azypa zy he ngachhipata a chakaotuhpazy ama cha.”

He bie he ta chyhsa palorupa pahnie ta, hriata, ama thatihpha bie reipa he ta Awnanopa sa pathi awta ngachhina chôta Khazohpa chakaona hrola a pangaisa cheingei aw ei tapa ngiapâna hneipa acha.

Apakhyna service achha khai tawta MEC Maryland ta a pachhuapanopa zapati paha kawpa hmaokha dôkhona hnei khai tawta ama pahrana su Charlotte, NC la ama kua haw. Khazohpa ta Ano moh a paronasapa MEC North Carolina awnanopa hnota byhna pie lyma bei mawh sy.