Mara Evangelical Church in USA, Church Council Ei (2)na Meeting

American râh liata a y pa Mara Evangelical Church Awnanopa Local Church mia panga (5 Local Churches) zy ta, Khazohpa chakaona rai rohnahpa hmaokha ta chakao awpa khona vata Mara Evangelical Church in America Church Council cha ko 2013 khata MEC Local Church, Colorado liata ama vaw padua.

MECA Church Council liata Executive Committee Member zy he Local Church miakha tawta Delicate pathô chyu tuapa châta, Local Church Pastor, Hyutuhpa nata Secretary zy he ama vaw cha. Adviser zy mo patho atlypa cha ta, chazy cha:

1. Sikhaw (Ph.D Candidate, Chicago, USA),
2. Sayakyi Elaisa Vahnie nata
3. Hyutu Paisai Tehra zy ama vaw cha.

He Church Council Executive Committee Meeting he kokha ta ei (1)  hnei tyhpa châta, Mara Evangelical Church in USA ryureina bie pachia awhpa agenda zy atao chhili tyh. Chahrasala bie peimawpa (Emergency Agenda) a châveikhia bie chatliepazy a y khiala Church Council Executive Committee ta angiana hawh ta bie chhawna chhao ahnei tyh hra.

Tako 2015 MECA Church Council Ei (2) na Executive Committee cha MEC Local Church, Georgia (Conference Room, Living Grace Lutheran Church Tucker, GA, USA) liata February 14, 2015 (Saturday)no mydi 09:00 am tawta daihti pathao pata zala 06:00 pm taihta meeting hnei pa achâ. Ei (2)na Executive Committee Meeting avaw hlaotheipa zy cha:

      1. MEC, Maryland

1. Pastor Cho U (Church Pastor)
2.  Macha Zahu (Hyutupa)
3. iii. Macha Maung Khai (Secretary)

     2. MEC, Indiana

1. Sayakyi Elaisa Vahnie (MECA Adviser)
2. Pro- Pastor Hietha (Church Pastor)
3. Macha Aungshwe (Hyutupa)
4. Macha Khaihrua (Secretary)

      3. MEC, Colorado

1. Pro- Pastor Caleb (Church Pastor)
2. Macha Va Mau Le (Hyutupa)

     4.  MEC, North Carolina

1. Pro- Pastor Mara Hrato (Church Pastor)
2. Macha Lezahmo (Hyutupa)
3. Macha Vahmo (Church Chairman) zy ama cha.

     5. MEC, Georgia

1. Pro- Pastor Auko Choza (Church Pastor)
2. Macha John Kha U (Hyutupa
3. Macha Henry Ngochho (Secretary)
4. Macha Rahe (Local Mission Board Chairman)

Rev.Sikhaw (Adviser) he school akia nga haina daihti achâpa vata Ei (2)na Church Council meeting avaw hlao thei vei. Hyutupa paisai Tehra (Adviser) chhao he asapa ko machapa chata, USA rah chasi daihti chakuatuna vata avaw hlao thei hravei.

Ei (2)na Executive Committee meeting liata bie pachiapa zydua sa 28 châta, he zyhry liata bie pachiapa 26 zy he MECA Ei (2)na Pakhypi,  MEC,Colorado pakhypi lata tlô khei awpa acha. MECA pakhypi ryureina bie chhawpazy he MEC Assembly lata tlokhei awpa angiahpa a y khia tacha tlo khei tyhpa cha ta, a y vei khia tala MECA Church Council ta a ngiahna hawta a hria pazi tyh.

Khopasana vata ei (2)na Executive Committee meeting ta bie chhawna miano (2) ataopa zy cha :

1. Mara Missionary hno chaipa hnota MECA Church Council tawta alyna bie hlana bie achhona nata lyma $2500.00 pie awpa
2. Rev. NC. Vabeilua (ECM) he June-Sep, 2015 chhota USA Marasawzy vai thei awhpa ta hruana hnei thei awpa zy a cha.

Meeting a vaw hlao theipa zydua mypati (breakfast) cha ta MEC, Georgia awnanopazy ta viachha nata thopi ta ama chhuady. Nochho pati (Lunch) he MEC, GA – KNP zyta lao nata tiha paha ngasapa ta ama chhuady hra. Meeting achha khai tawta MEC, GA awnanopa pachhuapano pata China Buffet liata hmaokha ta zapati (Dinner) nie pahmaona hnei pa a cha.

Feb. 14, 2015 (Sat-day) za ta nopaw thokhazy cha MECA Achhithana dah kyh rei pahmaona hnei eita, Sunday noh a pakhyna service hnei khai tawta North Carolina State tawta meeting avaw hlao theipazy cha Motor ta ama chakaona/pahrana suh lata kua eita, Maryland state tawta avaw hlao theipa zy chhao ta ama pahrana suh/ chakaona su Maryland lata Zawtheina  ta mia ama sie sai hawh hra. Sunday za Khazopa bie achuna/apakhyna Km.Vahnie o, India Greek, Clarkston liata hneipa châ ta, Macha Vamaule ta daihti sie kheita Saya Elaisa Vahnie nata Pro-Pastor Hietha zy ta Khazohpa thatihpha bie mia ama pa chu! Feb. 16, 2015 (Monday) mydi ta  Indiana nata Colorado tawta avaw hlao theipa zydua chhao ta Zawtheina ta ama state chyu ta mia ama sie sai hawh hra.

Khazohpa ta daiti rypaona mia pie hei sala, Atlapata MECA Ei (2)na Pakhypi, MEC, Colorado liata atyh hei chyu awhpa ta hna beiseina cho ta,

Pro-Pastor Auko Choza, MEC, GA