Mara Thyutliazy râh hropa (Thailand, MLS, Singapore, Europe, Australia, North America) zy eima pha tita chipho hropazy  ama rei ta Biehrai, smart phone liata khodah hawta ama rei tyhpa hmo tita uava thata a chhi kaw tyh.

Chavata Mara Biehrai online (A eihpa ta Phone) liata reithei awpa khopasana vata, 2013 kô liata USA a vawtlôpa Rev. NC Vabeilua hnota Mara Biehrai, Smart phone liata mo thei awpa khona reipa châta hmala khei awpata ahawna chhao hneipa acha. Cha tao nawpa châta achhapa Taka zydua KTP, MEC Indiana ta a hryu aw tapa chhao ahno ta pahnosapa acha.

Rev. NC. Vabeilua ta ama hawnazy hmala khei awpata a ry tata India lâ a lie khai tawta hma a vawla pathao. 2015 liata Rev. NC. Vabeilua cha MECA Local Church zy liata chakaona hnei awpata USA vaw tlô heita, KTP, MEC Indiana nata rei pahmaona hnei chaneipa chahei ta, ano ta  Biehrai cha chhukhai hapa châ taraw ta chahrasala AOS nata IOS liata kho awpa âry leizie mania achho.

Chavata KTP, MEC Indiana ta Biehrai ama chhu chiehpa Copy paphao awpa nata AOS nata IOS liata kho (so) awpata KTP ta hma la awpa a khona Rev. NC. Vabeilua hnota a hawna hneipa châta, Ano (Rev. NC. Valeilua) cha Siaha, India  atlô pata nata ama chhu chiehpa copy cha thlai mania vaw paphao ta KTP ta eima hria pazi palâpa acha. Chahrasala  online liata kho palâ thai awpa achâ mah leipa vata print pita Mara châ athai via aw eima tapa nozy, pawzy hnota rai pata Biehrai nata eima mo pakai laipa acha. KTP member thokha zyla a mo azia leipata ama hria pasa.

He kyh liata mania abuaba khei chaipa cha St. Thaso châta, achô liata KTP, MEC Indiana ta thata eima ly. Tahma cha AOS liata so hawpa châta, mo hlupi chhao nama phone liata nama kho khai haba nata pangiasapa acha. IOS liata so thei awpata buaba khei ngâpa châta, eima tao khai pata nata Khizaw kaoki liata a ypa Marasaw zydua hnota thatih eima chaw patheisa aw.

Cha rotuhpa: Sichho (KTP, MEC Indiana)

________________________________

Tahma hla khizaw hmasiena ta a siekhei ngâpa daihti liata chyhsa hlupi ta ama pasâsa chaipa cha khopa khona daihti liata khodah hawta taothei hriatheina he acha. Rai liata tlyma, a khei hawpa su liata tlyma Biehrai rei kho tita, reithaipa châ khao tyh leipata O la a di khai tawta rei tyhpa, rairuna kha Khazohpa ta KTP, MEC Indiana hmapa ta avaw pathla hapa vata byhna a pietuhpa Khazohpa hnota nata KTP, MEC Indiana chô liata marachurch.org ta Abeipa Zisu moh ta alyna bie a hla. KTP, MEC Indiana cha 2013 kô liatata paduapa châta, cha daihti nota malu cha mo 17 dei châ eita, tahma 2016 kô liata malu 48 ama pha haw. Khazohpa ta KTP he Ano vyupa ta lyuchâpa pachâsa via lyma mawh sy.

Biehrai mo pazina liata Computer athaipa KTP member thokhazy he hawta rai ama hria. Ama tiamana he Khazohpa ta my aw vei.

Biehrai mo pazina liata Computer athaipa KTP member thokhazy he hawta rai ama hria. Ama tiamana he Khazohpa ta my aw vei.

KTP President Sichho nata Rev. NC. Vabeilua ama pakyh nganopa (2013)

KTP, MEC Indiana luhpa thokhazy