“Ta nohta Hawti zy he hmiala (Future) chhithatuhpa zy ama châ” tapa biesoh hawta hawti zy he pakha tata moho ta, Khazohpa bie nata a hmiepa ta palaiseisa ta hmiala (future) liata chhithatuh phapa pachâsa theina taita pachu ta chhitha awpa a byu. Chacha Nôpaw zy tao cheingei awpa acha. Biesoh sakha heita he hawta a ta, “To build the children is better than to repair adults” (Hawtizy chhithaphana cha utheipazy sapathipa hlata a pha via). A reikhona cha hawtizy ama sie nawpa lâthlô pachu ta palaiseisapa cha utheipa arao ha chiehpazy sapathipa hlata a phavia. Khazohpa bie ta, “Hawtipa cha a siena awpa lâpi pachu ula, a machâ tita chhao siesai aw vei” (Biesohzy 22:6).

Ary liata palâsapa audio file he Pino Debbie (Vanoh No) ta a chhokha nata 2014 ko liata USA lâ ama charei nota Maryland State liata a ypa Marasaw zy hnota a reipa acha.  Hawtizy mohona, pachuna liata zi-awpa hmeiseipa pachuna acha.