USA liata a pahrapa Marasawzy vai awpa nata Mara Evangelical Church in America liata chakaona hnei awpata USA lâ a siepa MEC General Secretary Rev. Satu Veu cha October 17, 2015 noh ta MEC Indiana nopawzy nata Sapa chiehleina vata thohna ta moho haipa Hyutuhpa Penson Mc. Teihra vaina ama hnei.

Htp.Teihra cha Bowling Green khipi, Kentucky State, USA liata a chhokha chhaota khi asapa châ ta, Yangon khipi, Myanmar liata a vaw y no tawna khata sapa chiehleina a vaw hnei hawpa a cha. MEC Yangon, Myanmar a vaw padua kheituhpa nata Hyutuhpa rai a vaw chakao lymapa châ ta, a penson khai tawta July 19, 2012 noh ta a sawzy yna USA lâ a siepa acha. USA atlô tawta tanoh taihta Mara Evangelical Church in America, Church Council Nopaw (Advisor) a vaw chakao ngalapa acha.

GS nata MEC Indiana nopawzy cha Htp. Teihra chhôkha nata a kaona dei châleipa ta cha khipi liata a pahrapa Marasawzy nata Khazohpa bie nata hla ta a pakyhna a kaona chhao ama hnei. A khitlyna rietheina chhao papeisa leipata MEC awnanopa Nopawpa Htp. Teihra nata Marasaw zy vaina lâ a siepa Rev. Satu Veu nata GS nata chakaona hnei awpata a siepa MEC Indiana nopawzy cho liata marachurch.org ta alyna bie sahchaipa a hla.

Khazohpa ta Ano khinara châta hma via lyma ei sala byhna pie mawh ei sy.

Khazohpa bie nata hla ta a pakyhna a pakhyna liata Htp. Teihra alyna bie a rei nopa

Rev. Satu Veu (GS, MEC) nata Htp. Teihra, Atheithlana nothlahpa ama lapa

GS, Htp. Teihra chhokha, MEC Indiana nopawzy nata Bawling Green Khipi liata khi asapa Marasaw zy

Special lunch hmaokha ta dokhona nothlahpa