Mara Evangelical Church in America, Church Council Executive Committee Meeting Ei (6) na cha Abeipa chhithaphana vâta noh nata daw raopa haw tlaita MEC Kentucky liata May 25, 2019 (Pachynoh) noh ta tao hawpa acha.

Local church to tawta meeting hlaotheipa mo 24 pha eita, church council advisor mo 3 deikua cha ma (personal) peimawna vâta a hlao thei vei. Meeting tao noh daihti ahmâna cha ary liata palâsapa hawta acha.

1. May 25, 2019 (Pachynoh) my 7:00 am – 7:30 am daw liata eima Beipa Zisu hnota miah a pahasai hapa church council advisor Mc. Teihra (Htp. paisai) thlâ vaina hneipa acha.
2. Thlâvaina hnei khai tawta daw 8:00 am nata 8:45 am likaw liata MEC Kentucky local church secretary Mc. Hranau o liata mypati (breakfast) niena hneipa acha.
3. Miepati nie khai tawta thlai Meeting hall (Room 113, WKU conference center – 2355 Nashville Road, Boawling Green, KY 42104) lâ pangai pata meeting cha daw 9:00 am tawta pathaopa châta zala 5:00 pm liata meeting section sâkhana cha khaw chypa acha.
4. Htp. Teihra sie saipa chhôkha ta ama paw a siesai tawta kokha apha hawpa vâta ano atheihlâna nata a siesaipa chhôkhazy châta thlachhâna hnei khei awpa ama khopa vâta a sawchapaw Pupa Aung Kyaw Thu o liata Pino Pawmaino nata sawzy ta ama paw atheithlâ nawpata ama pachhuapanopa zapati ahlyna nata thlachhâ chakaona hneipa acha.
5. Cha khai tawta meeting section sanona cha Mc. Hranau (Secretary, MEC KY) o liata 8:30 pm tawta pathao heipa châta, za daw 11:30 pm liata Abeipa ngiachhiena vâta pachhâpa acha.

Mara Evangelical Church in America awnanopa mohona, Abeipa Zisu angiapâna nata Ano chakaona liata hmasie lyma thei nawpata nopaw zyta he meeting liata bie hlupi pachiapa châta chahry tawta sa 4 he Marasaw zydua pahno thei awpata he liata palâsapa acha.

1. MECA chhituhpa awnanopa nopaw zy châta leadership training tao awpa: MECA awnanopa chhituhpa awnanopa machâ nata khichho machâ zydua Abeipa Zisu a ngiapâna nata Ano chakaona liata a kathu viapata chakao thei awpata leadership training hnei awpata parysapa acha.
2. Pastoral Conference hnei awpa: MECA pastor zy Abeipa Zisu chakaona liata a kathu viapata chakao thei awpa khona vata he pastoral conference he tao awpata parysapa acha.
3. Achhyna nata Reithai palyuplina (Praise & worship) hla châbu papua awpa: MECA awnanopa chhô liata Abeipa eima reithai tita local church chyuta ma nata ngiaryna hawta ama vaw sa tyhpa hawta châ khao leipa sala hla-ao nata bie a lyupa hlâ ta Khazohpa eima reithai thei nawpa khona vâta he hla châbu he papua awpata parysapa acha.
4. Association of Mara Literature and Culture rai hria liata MECA awnanopa ta ko 1 ta $1000.00 ta hria khei lyma awpa nata 2019 ko liata hria awpa project liata $500.00 ta hria khei awpata parysapa acha.
   

Church Council nopaw zycha May 26, 2019 (Pahanoh) nohta MEC Kentucky awnanopa na ta hmaokha ta Abeipa achhyna, Abeipa Tlâkhai ahlyna ama hnei khai tawta ama yna state chyu lâta ama sie haw. Abeipa Zisu ta MECA awnanopa he Ano kuphei châ thei lyma awpata byhna pie mawh sy.