Kôkha ta eikha tao tyhpa Mara Evangelical Church in America Ei (6) na Pakhypi cha “Na poh-o su pakawh teh” (Isai 54:2) tapa biepipa hmâpata August 31 – September 1, 2019 noh ta MEC Indiana liata patlô awpa acha.

State to tawta kyhpachâpa Mara awnanopa zy Pakhypi ahlao awpata ama chhuano pha kaw tapa thatih daopa achâ hlei khôta, Myanmar tawta

  1. Rev. Dr. Lb. Siama (General Secretary)
  2. Rev. Bietlei (Biatuhpa, MEC Mindat)
  3. Rev. Thlahmo (Pastor, Upper Myanmar Methodist) nata

Norway rah tawta Ls. Elizabeth Awmmi (Praise and Worship lâchha Biehrai school a kia ngâ haipa) zy Pakhypi ama hlao aw.

Speaker châta a pahawpa zy cha Rev. Dr. Lb Siama nata Rev. Bietlei zy châ eita, Local church sakha tawta hlapy sakha nata solo sakha chyu raopa ama châ.

USA rah liata MEC awnanopa he local church 8 y ta, khichhai chhao khichho chhao mo 800 – 1000 rachhô ta Pakhypi amâ hlao thei awpata pangiasapa acha.

Pakhypi taona su lâ atlô theileipa viasa zy nata khizaw kaoki liata a pahrâpa Mara sawzy online tawta pakhypi ama hlao thei nawpa Mara Church Youtube channel (https://www.youtube.com/channel/UCwggvgxVoKidLP0T_rthxiA) tawta a pakhyna service live pathliepa acha aw.

Abeipa ta Ei (6) MECA Pakhypi he byhna pie sala Ano moh rônana châta hmâ mawh sy.