Ei (5) Mara Evangelical Church in America Church Council EC Meeting cha MEC Texas yna su Dallas khipi liata Hotel phangasâpa Courtyard Hotel liata April 14, 2018 noh my daw 10:00 am tawta 11:00 pm tai MECA Church Council nopawzy mo 24 ahlaopa ta Abeipa ngiachhina vata hlaotlo pata taopa acha.

Meeting bie pathlupa zydua cha September hata sakhana (first week), 2018 liata tao awpa Ei (5) Na Mara Evangelical Church in America Pakhypi liata agenda châta châ-awta, Pakhypi ryureina ta a py khai tawta zawpi lâ phua awpa acha. Châhrasala Pakhypi ryureina tlô hlâta Awnanopa zawpi pahno awpa nata hria awpata a parysapa thokhazy cha:

  1. 2019 ko liata Ei (6) MECA Church Council EC Meeting cha MEC Kentucky liata a y aw.
  2. 2019 ko liata tao awpa Ei (6) na MECA Assembly cha MEC Indiana liata a y aw.
  3. 2020 ko liata a y awpa Ei (7) na MECA Assembly cha MEC Iowa liata  tao awpa acha. (Tahma tawta ama pahaw chhilipa acha).
  4. 2018 ko cha MECA awnanopa  nopawzy atlyna kô achâ vata MEC Georgia liata patlô awpa Ei (5) a MEC Pakhypi liata election a y aw.
  5. ECM Mission secretary Rev. T. Salaw cha USA vaw tly awta MECA awnanopa liata thla 2 chhô chakaona a hnei aw.
  6. Ei (5) na MECA Pakhypi program cha Church Council OB ta akipa (detail) vaw sa awta khichhô awananopa lâta ama vaw pathei aw.
  7. MEC Assembly tawta Rev. Victor Ve u (AGS) nata Rev. Zahne (ES, Gospel and Culture) zy cha Ei (5) na MECA Pakhypi ama hlao aw.
  8. Ei (5) na MECA pakhypi liata pastor pitlopa pakha (Pro. Pastor Caleb) ordination piena nata Pro. Pastor pakha (Saya Khaitha) pa-ina a y aw.

April 15, 2018 (Pahanoh) ta MEC Texas awnanopa nata Church Council nopawzy hmaokha ta Abeipa achhyna hnei eita Htp. Kelai (MEC TD) ta daihti chhitha ta Rev. Sikhaw ta Abeipa Thatihpha Bie arei. Abeipa Tlakhai chhao ahlyna hneipa chata Rev. Chou Hlychho ta chakaona a hnei.

MEC Texas ta Church Council EC Meeting cha soh hlupi pachhâpa nata arona kawpata ama chhuadypa vata ama chô liata alyna bie eima rei hmeisei. MEC Texas he Abeipa ta a khi nah rah châta hma via lyma mawh sy.

Mc. John Kha U (CC Chairman) Meeting a sie khei hainopa

Mc. Aung Shwe (Vice Chairman) meeting a sie khei hainopa

Rev. Sikhaw thatihpha bie reina a hnei nopaw

Rev. Chou HLychho ta MEC Texas awnanopa Macha zyta Abeipa tlakhai achakao ama hnei.

Pahanoh Apakhy khai tawta he hawta a theithlana nothlahpa alapa acha.

MECA Awnanopa Nopaw nata MEC TX KNP member thokha zy