Macha RT. Zachono nata Mara Nopaw zy MEC, MD liata Paha noh hma

Chin Youth Organization (CYO) 2015 Conference a hlao awpata hrua eihpa Marapa nopaw Rt. Zachono, Dr. Sasa, Pupa Issac nata St. Elaisa Vahnie zycha CYO Conference a ma hlao khai tawta Indianapolis, IN liata a ypa Marasaw zy nata, Mara Community Committee, Indiana Branch patopatiapa ta, July 11, 2015 noh atyhna ama hnei. July 12, 2015 (Sunday) noh he MEC Indiana liata hma eita Machâ Rt. Zachono ta Thatihpha bie (Sermon) reina a hnei.

Indianapolis, IN tawta Washington DC area liata a ypa Marasaw zy, hmia pahnopa chihropa thokhazy nata a tyhna hnei awpata July 14, 2015 noh ta Maryland lâ a ma sie. DC Area liata a pahrapa Marasaw zy nata, Mara Community Committee, Maryland Branch patopatiapa ta, Tari July 18, 2015 nohta a tyhna daihti phapa hnei hei eita, July 19, 2015 (Sunday) noh ta MEC, Maryland awnanopa zy nata hmaokha ta Khazohpa achhyna service ama hnei. Cha â pakhyna service liata Macha Rt. Zachono ta Biephua 3:20 hmapa ta “Zisu châta pathipalô ochhi pahy ei su ” tapa thatihpha bie a rei.

Dr. Sasa cha bie pachhohpa (Short Speech) reina hnei awpata daihti piepa châ ta, a bie pachhopa reina liata 1) Health and Hope” rai hria (achhuana, a hria chiehpa, a hria ngalapa, a hria lai awpa kyh) nata 2) Khazohpa bie tawta pasyuna nata thapatlona bie reina a hnei.

Apakhyna service a chha khai tawta Lelai chhokha tawta Marapa Nopawzy châta nata awnanopa zydua châta ama pachhuapanopa zâpati (Diner) paha kawpa hmaokha ta niena hneipa acha.