Mara Evangelical Church in America, Pastoral Conference Ei 2-na cha Nov. 23-24, 2024 noh ta MEC Georgia Local Church liata taopa achâ. He Conference liata Pastor zy Khazohpa ta Pastor rai hria awpata AWPA ama châna zy a remind pakhua eita, Awnanopa chakaona liata pahaona ama tyhpa zy Khazohpa bie hmâpata chato pathla thei nawpa kyh zy rei eita, chahleikhô ta Rev. Dr. Caleb Zawkhai ta LGBTQ he Khazohpa bie ta kheita ma ahmâ tapa nata kheita e response piepa achâ tapa paper reina hneita, Rev. Dr. Chou Hlychho ta Church Revitalization thatih aropa paper reina a hnei.

Lunch ama nie khai tawhta Pastor zy cha American minister and activist achâpa Martin Luther King Jr. (1929-1968) o nata museum chareina ama hnei. Martin Luther King Jr. (1929-1968) Museum chareina video cha MECA Facebook page (https://www.facebook.com/MECAmerica) nata MECA YouTube Channel (https://www.youtube.com/@marachurch6369) liata mo theipa achâ.