Kôkha ta eikha patlô tyhpa Mara Evangelical Church in America Pakhypi Ei 10-na cha Charlotte khipi, North Carolina liata August 31-September 1, 2024 liata taopa châta Abeipa ngiachhiena vâta hlaotlo kawpata tao khai hapa achâ. He Pakhypi lia heta 2024-2024 term liata church council nopaw zy atlyna nata Constitution thiehpa a pyna chhao hneipâpa achâ.
Local church sa 8 tawhta khichhai 320 a hlao thei eita, Ryureina meeting a kia theipa zydua cha mo 79 ama châ. MEC Assembly tawhta Associate General Secretary Rev. Sa E Hmo cha khichhai laipata a hlao thei ta, pakhypi a hlaopa zawpi ama tha a pha ngaita. Chahleikho ta Charlotte nata achheipâ liata khi asapa Mara Christian Church of America awnanopa chhao ama chhyna o khawpata Pakhypi ama hlao thei hra. Khichhai khichhô mo 800 rachhô ta apakhypi cha amâ hmâpa acha.
2025 kô liata Pakhypi Ei 11-Na cha Mara Evangelical Church Indiana liata taopa châ awta, Center Executive Meeting cha Mara Evangelical Church Texas liata taopa achâ aw.
Charlotte nata achheipa khi zy liata Mara awnanopa sa 2 yta, Mara Evangelical Church nata Mara Christian Church of America zy ama châ. Marasaw zydua mo 500 rachhô pahrâ eita, MEC ody 55 nata awnanopa malu 300 rachho y eita, Ahropa marasaw zycha Mara Christian Church of America liata a pakhypa zy ama châ.
2024-2024 term liata MECA Church Council nôpaw atlypatlopa zycha ary liata palâsapa achâ.
- Chairman: Rev. Dr. Chou Hlychho
- Vice Chairman: Mch. Vabietha (Htp. MEC Tennessee)
- Executive Secretary: Rev. Hietha Tuza
- Treasurer: Mch. Za Hu (Htp., MEC Maryland)
- Mission Secretary: Rev. Auko Choza
- KNP Secretary: Rev. T Khai Tha
- KTP Secretary: Rev. Dr. Ngo Chho (Caleb)
- Auditors: 1) Mch. Vabeirokhai (Htp., MEC Iowa), 2) Mch. Maung Khai (MEC Maryland) zy ama cha.
0 Comments