Ei (5)na MECA Pakhypi ahlao awpa nata USA Marasawzy hnota Khazopa Thatipha bie chho awpata MEC Assembly nôpaw zy, Rev. Victor Ve U (AGS), Rev. Zahne (EC, Gospel & Culture) nata chhôkha sanawrinozy vai awpata Maraland tawta USA a vy awpa Pastor Paisai Rev. Nokha (Ngephepi) zycha August 01, 2018 (Wednesday) noh ta Dullas International Airport ama vaw ngia aw.

Pastor zycha thla 2 (August & September) chhô USA liata châh aw eita, Marasawzy malu hluvia ta ama pahrana States 8 liata chakaona a ma hnei aw. Abeipa ta chhitha ei sala USA liata chakaona rai ama patlô khai tawta September 25, 2018 noh ta Myanmar  lâ ama palie aw.

Ei (5)na MECA Pakhypi  ahlao awpa nata MECA awnaopa nata akaona hnei awpata USA là a vy awpa Yangon MEC KNP chhituhpa mo pa (6) cha August 28, 2018 noh ta Chicago – USA a vaw ngia aw eita Indianpolis, IN lâ ama pala aw. USA liata Mara awnanopa zy nata thlakha chhô akaona ama hnei khai tawta September 28, 2018 noh ta Yangon lâ ama palie aw.

Abeipa ta ama chakaona zy byhna pie sala Ano moh rohnahna apalâsatuhpa ama châ thei nawpata nama thlachhana liata nama thei chyu awpata zana chota eima cha haw.