Mara Evangelical Church in America Pakhypi Ei (4) Na cha Charlotte khipi, North Carolina State liata September 1, 2017 (Chutynoh za) tawta pathao pata September 3, 2017 (Pahanoh za) ta Abeipa ngiachhina vata hlaotlôna byhna hlupi tona chôta pachha hawpa acha.

Pakhypi ahlao theipa malu 680 (khichhai 310, khichho 370) pha eita, Pakhypi ryureina a hlaopa zydua 79 ama pha. MEC Pastor mo 5, MECA Church council adviser Rev. Sikhaw (Ph.D Candidate, Lutheran School of Thelogy, Chicago) nata Saya Elaisa Vahnie (Executive Director, Burmese American Community Institute) zy Pakhypi ahlao thei eita, church council Advisor pakha achâhrapa Hyutuhpa Penson Mc. Teihra deikua sapa chieleina vata ahlao thei vei.

Ahmana daihti chhôta Thatihpha bie a reituhpa zyta “Khazohpa Thlapa chhithapa Chyhsa” (Rawma 8:14) tapa biepipa atlychaka pata thatihpha bie rei eita, pakhypi a hlaotheipa zawpi zy Khazohpa Thlahpa chhithapa chyhsa ama châzie athiepata a pahnosa hmeisei ei.

Awnanopa sahlaozy mohô awpata thlahpa lâ  chhituhpaphapa a ngiahpa vata Rev. Auko Chozah ta Awnanopa Machâ mo pa 3 chahnaona a hnei. Chazy cha 1. Mc. Vabeirokhai (MEC IOWA, Pina khi: Chapi), 2. Mc. Zatha (MEC NC, Pina khi: Chakhai), 3. Mc. Nawbie Fachhai (MEC IN, Pina khi: Sosai ) zy ama cha.

MECA Pakhypi Ei (4) na achhuadypa Charlotte khi liata a pahrapa Mara awnanopa zydua hnota alyna bie Abeipa Zisu moh ta eima rei. Abeipa ta byhna pie ei sala, a khi nah rah châta hma via lyma mawh ei sy. MEC Georgia ta ei (5) na pakhypi ama phaopa vata Abeipa ta a ry atakhiala MECA Pakhypi (5) na cha MEC Georgia liata patlô awpa acha aw.

Mo 79 ta Pakhypi ryureina hneipa acha.

MECA Church Council Chairman Htp. John Kha-u bie reina a hnei hai nopa

MECA Church Council Chairman Htp. John Kha-u bie reina a hnei hai nopa

MECA Church Council adviser Rev. Sikhaw Biereina a hnei haino pa

Ryureina liata uthei chaipata mia hlaopa Mc. Dr. Haochha biereina a hnei hainopa

Rev. Chou Hlychho Thatihpha bie a rei haino pa

Rev. Sikhaw Thatihpha bie a rei haino pa

Rev. Chou Hlychho ta Abeipa Zapati ahlyna achhitha

Awnanopa Macha chahnaona a hnei nga haipa Rev. Auko Choza

Htp. Kelai (MEC TX) Thatihpha bie a rei nga haino pa

Pakhypi a hlao theipa Mara awnanopa zy hnota alyna bie a reipa MEC NC biatuhpa Rev. Mara Hrato

Mc. Laithie  (MEC IN) Thatihpha bie a rei nga haino pa

Zawpi

Pastor Caleb (MEC TN Biatuhpa) Thatihpha bie a rei ngano pa

Church Council Assistant Secretary Htp. Zahu (MEC Maryland) ta MECA Pakhypi Ei (5) na MEC Georgia ta a phao aw tapa a phua ngano pa

MEC Poraipa MEC North Carolina ta MEC Georgia ahla ngano pa