Mara Evangelical Church in America (MECA) Church Council patôpatiapa ta USA liata a pahrapa Marasaw zy hryta chakaona hnei awpata hruapa Rev. NC. Vabeilua (Senior Pastor, ECM) cha June 12, 2015 noh ta USA a vaw ngiata, thla 3 chhô chakaona ahnei khai tawta September 14, 2015 noh, Za daw 9:20 pm ta Dulles International Airport tawta Qatar Airways ta India la â lie haw.

September 16, 2015 nohta Kolkata, India a ngia awta, Kolkata khipi liata nohkha a paha khai tawta September 18 noh ta Aizawl lâ a zaw awta, Aizawl tawta Mara rah khipi chaipa Siaha lâ palâh aw.

USA liata chakaona a hnei chhôta Khazohpa ta Rev. NC. Vabeilua hmapa ta arôhnahna thata  palâsa ta, Mara awnanopazy Thlahpa la nodi dahphi a papai hmeisei. Rev. NC. Vabeilua ta, “Thisai asâhpa nata Zothloh ei hnei thlahapa chhaota, Khazohpa ta Ano thatihpha phua awpata tlana na pieta, sapa rietheina y leipa ta thla 3 chho chakaona rai rohnahpa ei hria theipa vata Khazohpa hnota thata eily” tapata a rei.

Thla 3 chho hmaokha y eita Khazohpa bie nata hla ta a paky eita, India lâ a kuasai thlah ba awpa eicha USA liata a ypa Marasaw zy ta pei ta eita, ama pasai leina mothlie chhao a lo hôlô. Khazohpa ta a chhithana byhna patosa awta atlapata achhokha, awnanopa zy nata ama tyh aw tapa beiseina eima hnei.

Rev. NC. Vabeilua a sie chyta Htp. Zahu (Pastor Anis paw tlona) O hmia liata a thei thlahna nothlahpa

Dulles International Airport chhola a ngia awpata ama sie hai. Ama para ngasa sai.

Airport la a pathliepa MEC Maryland chhituhpa, awnanopa member thokha zy nata a hnochaipa group Nothlahpa

Ahno chaipa “Atlâhna bie”

Hnola buakha ta chha a vaw hei aw tapa mokhah taraw pita a vaw hei khao vei.

“Atlâhpata va sie lai ma y”