“Khazohpa Palysana Hro” (Kaolaosa 1:9-10) tapa Biepipa hmapa ta Krista vyupa ta lyuchâpa KTP, MEC Maryland sahlao khohchhihpa zycha January, 2015 General Meeting bie pathlupa hawta July 25-26, 2015 noh ta MEC Georgia tlyna nata chakaona ama hnei.

St. Biemeithie (KTP President) chhithapa ta a chakaolahpa zy, KTP member khochhihpazy (Zydua mo 17) nata July 24, 2015 (Friday) noh za daw 6:00 pm ta, MEC Maryland biatuhpa Rev. Cho U nata Khichhô Machâ C. Biehmo zy chhaota ama yna khipi Baltimore puasaipa ta  Mawtaw sa 2 ta Atlanta khipi, Georgia pangaipa ta ama sie. Khazohpa chhithana vata daw 12 hlei Mawtaw hao khai tawta, mydi 6:00 am ta MEC Georgia Htp. John Kha-u O ama ngia. KTP, MEC Georgia pachhuapanopa Mypati paha kawpa ama nie khai na ta, ama zydua ta Georgia State liata moh pathapa feet 1,686 a sapa Alo tla (Stone Mountain) ama kia. Tla laki ama tlô na ta, no-ah chhihpa Alo tla ataotuhpa Khazohpa hnota thlachhana, nata athei thlahna nothlahpa zy alana ama hnei.

Ei 1 na ahmana a pakhyna cha  Pachy za (July 25, 2015), daw 8:00 pm ta Htp. John Kha-u O liata hneipa châta, St. Pabie Chozah (Vice President, KTP Maryland) ta daihti sie kheita, “Khazohpa Palysana Hro” (Kaolaosa 1:9:10) tapa biepipa hmapa ta Km. C. Biehmo ta thatihpha bie a rei. Km. C. Biehmo ta “Khazohpa Palysana hro cha Apanawhna hro (A reisina hro) he acha tapata Izarei bei Davi hro atly chakapa ta a rei.

Ei 2 na Ahmana a pakhyna cha Paha noh za 1:00 pm ta pathaopa chata, St. Biemeithie (President, KTP Maryland) ta daihti chhitha ta Rev. Cho U ta “Khazohpa Palysana Hro” (Kaolaosa 1:9:10) tapa biepipa hmapa ta Thatihpha bie reina nata Abeipa chhokha pati chakaona a hnei. KTP sahlao zyta piena ta, hlasana ta, bie vaopa reina ta, hlapy sana ta Khazohpa achhy eita, Khazohpa rohnahna thata a mapasala.

Rev. Cho U Sermon tlâhpipa cha: 1) Hmopha taona liata pathei lyma awpa (Bearing the Fruits of the Holy Spirit). 2) Khazohpa pahnona liata Laiseina awpa (Growing in the Knowledge of God). Zisu a ngiapa ta “hmopha taona liata patheina hro nata Khazohpa pahnona liata laiseina hro he Khazohpa palysana hro” chaipa acha. Thatihpa bie na thlie khai tawta Abeipa chhokha pati niena chhao pazaopa acha.

Daihti chha khai tawta KNP Georgia ta Awanopa chata ama chaleipa chyhsa mo 15 atyu theipa Van car alyna chata nata KTP Maryland chata ama pachhuapanopa Zapati niena ama hnei khai tawta Za daw 5:30 pm (July 26, 2015) ta KTP (MEC Maryland) cha ama yna Maryland la ama palie haw.

Khazohpa ta KTP Maryland nata MEC Georgia zy hnota byhna pie mawh sy tapa he marachurch.org thlachhana acha.

Alo tla laki liata

Za a hmana liata Daihti a siekhei haipa St. Pabie Chozah (Vice President, KTP Maryland)

Paha noh a pakhyna liata Palyupalina nata Achhyna (Praise & Worship) achhithapa KTP member thokhazy

Daihti a siekheipa Chairman St. Biemeithie (President, KTP Maryland

Mo patho Hlasa (St. Akhei, Ls. Tamari, St. Biebeisa

Hla sana ta Khazohpa a palyupali ngapa KTP Maryland Hlapy

Thatihpha bie a reipa Rev. Cho U

Abeipa chhokha pati niena liata chakaona a hnei ngahaipa Rev. Cho U

Apakhypa Zawpi thokha

Apakhypa awnanopazy nata Khizaw liata ngiapatuhpa zydua chata byhna awna a hnei ngalapa Rev. Cho U

KTP Member Khochhipazy (Maryland + Georgia)

Georgia la siena 85 North lapi buakha a pahana su liata

 For more photos click here  → KTP Trip to Georgia